E katedral di Cinelandia (1916)

E anochi ku e teater di sine a kima por kompleto tabata partikularmente kayente. Orkannan a pasa fuertemente na parti nort, pero den Punda e bientu tabata pará ketu. Bo por a sinti e holó di salu marino i piská hasá den e airu.

E teater di sine Salón Habana tabata den sentro di siudat. Manera semper, Alfredo Hernandez tabata na e piso ariba den e kamber di proyekshon ku su kara ta primi na e bentana chikí. Sintá na otro banda di e bentana, el a konta e bishitantenandi e teater. E teater tabata yen. Tabata un bon anochi.

E anochi ei, despues ku Alfredo a lòk e porta di heru i a bai kas, el a tende e sirenanan di kandela. Pa mainta, no a sobra nada mas di e teater.

Alfredo Hernandez tabata konosí pa ta un hòmber ku tabata warda riba problema. E mesun dia ei, el a kore yega na ofisina di e korant Amigoe di Curaçao i a publiká un aviso di página kompletu:

“Un kompetensia pa rekonstruí nos teater. Tur diseño ta bon biní. Preferibelmente ku kurashi.”

Den un siman di tempu ta masha hopi diseño a ser entregá.

Un skol na Miami a proponé un pisina na lugá di stul. Tanten un hòmber di Copenhagen a manda un pintura di un tubu blanku ku tabata sospechoso pasó e tabata parse un rakèt. Un ingeniero di sirko di Lima ku a baha ku penshun a sugerí pa usa un nèt di trapesio grandi den kua e oudiensia por a drumi wak e proyekshon di pelíkulanan riba e plafònt estilo un dome. Un mucha Arubiano ambisioso a manda un modèl di karton den ku e teater tin forma di un kaha di pòpkòrn grandi ku hasta un mashin di limonada na kada asiento.

Alfredo a pone tur proposishon kuidadosamente riba su mesa di komedor. E tabata atmirá nan kurashi, nan lokura, nan bunitesa. Pero niun di nan, el a pensa, a kapturá e magia ku e tabata buska.

Un mainta tabatin batimentu na e porta di Hernandez. Riba kaya tabata pará un hòmber hulandes haltu ku mustashi di krùl, un bachi di lenen, ku un kaha di palu grandi den su man.

"Mi nòmber ta Pieter A. van Stuivenberg” e hòmber a bisa tanten e ta pasa man riba su seha. “Mi ta un arkitekto.”

"Awèl bini paden”, Alfredo a bisa.

Pieter a trompeká drenta den e kamber prinsipal i a pone e kaha abou. El a warda ku orguyo.

"Kiko e ta?" Alfredo a puntra.

Pieter a kore bai den direkshon di e kaha i a habri e parti di ariba. El a saka un modèl di un edifisio for di den e kaha. Ta un diseño di art deco ku formanan geométriko ku ta sali for di suela. Pilarnan ku ta krùl manera kokolishi. Paden tabatin rei di stul di satin kòrá – 2.200 di nan. Mitar di e teater tabatin plafònt pintá manera e shelu di Kòrsou na meianochi ku strea briante i e otro mitar di e teater no tabatin dak mes.

“I e pantaya, mener, lo ta esun di mas grandi den Karibe”, el a primintí esei.

Alfredo a mishi ku e modèl manera ku ta santu e tabata. “Esaki,” el a bisa na bos abou, “no ta un teater. Esaki ta un katedral.”

I asina a konstruí esaki.

Na aña 1941, “Cinelandia Bioscoop” a habri su gran portanan den kurason di Willemstad. E isla nunka a yega di mira algu asina. Hendenan tabata yega den lenen striká ku sapatu di kuero. Pasa kue dushi di tamarein i saku di suku di koko. Muchanan tabata keda asombrá ta wak e karikaturanan ta baila. Tinernan tabata tene man den sukú. Welanan tabata seka awa ku ta kai for di nan wowo ora nan wak novela ku suptítulo na spañó.

Tabatin persona ku tabata gusta sinta bou di e balkon, pero pa hopi hende e mihó stulnan tabata esnan ku bo por a wak ariba i mira shelu (i algun anochi sinti e áwaseru).

Hopi aña a pasa.

Televishon a aparesé den tur kas di famia. Masha lihé tur saku di karson tabatin un telefòn inteligente. E multitut a bira ménos. Yerba a kuminsá krese rondó di e lokèt di bende karchi. Paranan a traha nèshi den e partinan di bentana ku tabata falta glas. Grafiti a sali den e balkonnan.

I despues a aparesé e bòrchi ku ta bisa: “

And then came the sign: "Programá pa basha abou."

Pero amantenan di teater ta kabes basta duru. Famia Hernandez a uni. Na aña 2003, e teatro a haña rekonosementu komo monumente protehá.

Awor na lugá di pelíkula, ta e edifisio a bira e shou. Ora bo ta kana den Punda, no kana pasa bai sin para. Tira bista riba e edifisio straño ku su murayanan kabando na nada i imagina bo un momentu riba un djasabra anochi ku Alfredo Hernandez ariba den e kamber di e proyektor ta konta un kas yen di 2.200 bishitante pa wak pelíkula.