E Sekreto di e Gobernador (1800)

Hopi siglo pasá, den e siudat portuario di Willemstad riba e isla di Kòrsou, tabatin un hòmber malbado i difísil ku yama Gobernador Albert. Su nòmber tabata Gobernador Albert. For di su ofisina grandioso na e kas di stat situá riba un seru, Albert tabata mira e daknan kolorido di e siudat i e haf grandi. Konstantemente e tabata planiando maneranan nobo pa engrandesé su fortuna. Tur ora Albert tabata pensa maneranan pa engrandesé su fortuna.

Gobernador Albert tabata fasiná pa konta e barkunan di bela ku tabata nabegá for di Hulanda. Kada barku tabata nifiká 100 florin di impuesto anto ku 60 gram di oro puru i lumbrante. Kada bes ku un barku drenta, e tabata smail su so ku su so, felis pasó su rikesa tabata sigui krese.

Pero un dia, Albert a tira bista pafó di su bentana i el a nota algu alarmante: niun barku na bista. E haf tabata ketu i esei tabata espantoso. Su smail a disparsé i na su lugá su kara a sera.

"Trese mi magistrado inmediatamente!” Albert a komandá tanten el a bati bèl di su kriá.

E hues, tabata un hòmber rondó ku tiki kabei riba su kabes pero ku hopi na su kachete, a kore subi trapi ta hala rosea pisá i purá.

“Mi ke saka un dekreto,” Albert a bisa serio ku un mirada skèrpi den su wowonan. “Pa fin di e siman aki, mester fèrf tur kas den Willemstad koló blanku.”

“Blanku?” e magistrado a puntra yen di duda.

“Sí, blanku, kèns!” Albert a pèrdè tur kòntròl.

Káos a lanta den e siudat. Tur hende na kareda pa kumpra fèrf blanku, pero no tabatin sufisiente pa tur kas. Trapinan a bira skars pasó bisiñanan tabata kibra kabes pa fia òf kumpra nan. E preis di fèrf blanku a subi drástikamente di un florin pa trinta florin, lagando e habitantenan di e siudat ta keha i ku nan sakunan bashí.

Pa straño ku por ta, Albert tabata mustra kontentu. For di su bentana, e ta mira kon e edifisionan tur tiki tiki ta transformá bira blanku ku ta blèndu hende.

Pero su siguiente dia Albert a tuma kontakto ku su dòkter. Un hòmber flaku ku brel rondó riba su nanishi kòrá grandi a kore drenta.

“Mi tin un doló di kabes teribel,” Albert a keha. E dòkter a eksamin’é pero no por a mira nada straño.

“Mi gobernador,” e dòkter a bisa  finalmente, “mester ta e refleho di e solo di tur e edifisionan blanku.”

Albert a bolbe yama e magistrado.

“Mi ke saka un otro dekreto!” el a grita duru. “Pa fin di e siman aki, mester fèrf tur edifisio den diferente koló: blou, kòrá, hel, bèrdè ke men tur koló ménos blanku!”

“Koló?” e magistradoE haf tabata ketu i esei tabata espantoso. a puntra sorprendí.
“Sí, KOLÓ, kèns!”

Un biaha mas, káos a lanta den e siudat. Lugánan di bende fèrf a yena ku hende pa bolbe fèrf nan kas ku resientemente a fèrf blanku. Nan a gasta mas sèn na fèrfnan kolorido i a traha sin kansa pa kumpli ku e dekreto nobo. Tanten, Albert tabata sinta na su bentana, ta mira kon Willemstad a transformá bira un bunitesa di kolónan bibu.

Pero apénas un luna despues, Gobernador Albert a fayesé diripiente. Despues di su entiero, miéntras tabata konta tur su rikesa, e hendenan a deskubrí un sekreto ku a sorpresá nan: Albert tabata doño di e úniko fábrika di fèrf riba e isla. Tur nan sèn ku nan a traha duru p’e a bai den saku di Gobernador Albert mes.

Ku tempu, e residentenan di Willemstad a kuminsá mira e bunitesa di nan siudat tur na koló. E edifisionan vibrante a bira un fuente di orguyo i selebrá pa bishitantenan di rònt mundu. Maske nan tabata desapuntá ku kon kudishi Albert tabata, nan por a hari ora nan pensa ku hasta Albert su trikinan a laga algu espektakular atras.