Siudat sin odio (1952)

Un hòmber bieu tabata pará ketu. Manera hopi hòmber bieu, su brel tabata diki i su kabei blanku tabata un tiki fini. E tabata kana den un mundu chikí – un siudat kompletamente trahá di palu i klei. Miniatura di kasnan ku no tabata mas grandi ku su planta di man. Palunan ku blachi di mata ku grandura di grano di santu. Miniatura di hende ku ta di fris ku man den laira ta kumindá otro. Kanalnan ku botonan di kos di hunga. I un trein, no mas largu ku un pòtlot, pasando silensiosamente entre e stashonnan.

“He e,” un bos banda di dje a bisa.

El a bira wak, sorpresá. Un mucha muhé ku tambe tabata kana rònt den e siudat.

“Bo gust’é?” el a puntra.

“O, mi ta enkantá kuné! Ta kon nan a traha tur e kosnan aki?"

E hòmber a smail. “Pida pa pida. Kada edifisio ta un kopia perfekto di e lugá real – e aeropuerto, e stadion di futbòl, hasta e marshe di keshi. Artistanan i ingenieronan a traha huntu durante basta aña. Hasta mucha a yuda. Kada pida chikí di panchi di dak, kada poste di lus, kada baiskel a keda poné kuidadosamente.”

E mucha muhé a hala mas serka. “Hasta e hendenan ta mustra real! E mucha hòmber ei ta sakando un selfie! I wak – e trein tin su garoshi chikí pa maleta!”

“Bo sa ku tin mas ku sinku mil hende den miniatura den e siudat aki,” e hòmber a bisa ku orguyo. “Tin ta kore baiskel riba kayanan di klenku. Otronan ta hunga futbòl, hinka karga den avion òf kome reskus na rant di e kanal.”

E mucha muhé a hari. “Ta manera un kas di pòpchi pa henter mundu.”

E hòmber ansiano a sakudí kabes bisa sí. “Mi ta akinan tur djadumingu. Mi ta sinta ketu i imaginá kon e siudat ta haña bida. Ayabanda, “el a mustra den direkshon di un café kantu di awa, “un hòmber ta kai stimá pa promé biaha. Den e edifisio di universidat, un hende muhé ta inventá un pulchi ku ta laga hende bula. Anto den e stadion ei – “ el a mustra den e multitut di miniatura kon e fanátikonan tabata zwai nan lensunan, "e tim ei a gana su promé kampionato den shen aña.”

E mucha muhé a primi su wowonan riba otro. “Bo ta inventá e kos ei.”

El a kinipí wowo. “Mi ta yam’é “City without Hate”. Esaki ta nifiká “Siudat sin odio.”

“Dikon e nòmber ei?”

E bos di e hòmber a zona mas abou. “Mi fam ta Maduro. E siudat e keda konstruí na memoria di mi primu, George Maduro. E tabata di Kòrsou –  un isla den Karibe yen di muzik, lus di solo i amabilidat. George tabata kere den yuda hende.”

“Kiko e tabata hasi akinan?” e mucha muhé a puntra.

“Durante un temporada horibel – Di Dos Guera Mundial – el a djòin e resistensia na Hulanda. El a bringa kontra di odio. Pero nan a kaptur’é i mand’é un lugá ku yama Dachau ku ta un kampamentu di prizon kaminda hopi hende inosente mester a bai. George no a sobrebibí. Miónes di hende no a sobrebibí.”

E mucha muhé su bos a bira mas abou i pokopoko. “Mi kondolensia.”

E hòmber hende grandi a sakudí kabes bisa si. “Ora ku e guera a kaba, mundu a sigui drai. Pero ami no tabata por. Ami tabata un mucha hòmber chikí, pero mi a keda ku e odio den mi. Mi a sinti manera un tormenta den mi kurpa.”

“Mi sa di e sintimentu ei,” asina e mucha muhé a bisa.

El a wak e mucha muhé. “Bo sa kiko mi tata a yega di bisa mi?” Ora bo tin odio ta manera ku bo ta bebe venenu i spera ku un otro hende ta muri.’ I e tabatin rason. Odio ta un ladron. E ta hòrta bo tempu. Alabes e no ta resolvé nada.”

El a hala un rosea i smail – un smail tierno i sabí. “Ke men mi a lòs laga bai. I mi a kuminsá biba atrobe. E momentu ei nos a kuminsá konstruí e lugá aki pa honra George. Sí, pero tambe pa imaginá kon un mundu nobo sin odio ta mustra.”

E mucha muhé a wak e siudat den miniatura. Lus di solo a pasa den e bentana, i poné bria manera un kuenta di ada.

“Mi ta kere ku George lo a stim’é,” e mucha muhé a bisa.

“Mi tambe ta kere,” e mener ansiano a kontestá.

Nan a keda pará banda di otro pa un ratu largu. Kada un a imaginá nan historia den e siudat di miniatura.