Almirante Popham i e banderanan ku ta papia (1780)
Atmiral Popham
Atmiral Señor Home Riggs Popham (1762-1820) tabata un figura fasinante i poko kontroversial den historia britániko di nabegashon. Su bida tabata yená ku aventuranan yen di kurashi, esenanan inventivo i episodonan kolorido ku ta reflehá kon briante e tabata. Tambe e episodionan aki tin ora tabata peligroso.
Popham ta mihó konosí pa a desaroyá un kodigó di señal di nabegashon revolushonario ku a drecha komunikashon durante batayanan. Su sistema di uso di bandera ku number a keda Señor Nelson a usa e kódigo di señal di Popham pa señalá ku: “Inglatera ta spera ku kada hòmber ta kumpli ku su deber.”
Komo parti di e operashon pa tuma e isla karibense ku tabata den poder di Hulanda, Popham i su trupa militar tabatin komo meta pa someté e defensa lokal rápidamente. Un di e relatonan mas bibu, pero kisas ku no ta kuadra ku e bèrdat, ta konta ku Popham mes a duna òrdu pa tira un kañon riba un iglesia. E bala di kañon orguyosamente ainda ta pegá den e parti dilanti di e iglesia den Fòrti.
E kuenta aki ta konta kiko realmente a sosodé.*
Almirante Popham i e banderanan ku ta papia (1780)
Hopi aña pasá, tabatin un marinero britániko ekséntriko i inventor ku su nòmber tabata Almirante Popham. Mas di 250 aña pasá ora e tabata nabegá riba laman, barkunan no tabatin telefòn ni radio pa papia ku otro. Pa un kapitan papia ku su otro barkunan, e tabatin ku grita riba e olanan òf manda karta ku barku chikí pero esaki tabata tuma muchu tempu. Spesialmente ora barkunan mester a traha huntu den bataya òf kompartí notisia urgente ku otro.
Un dia tanten ku Popham tabata wak kon e bientu tabata pasa den e belanan di e barku, el a haña un idea i puntra su mes: “Kon lo ta si mi por laga e bientu papia?” El a kore bai den su kabina i a kuminsá skirbi rápidamente riba un pida papel.
Popham a usa bandera pa krea un kódigo sekreto. Kada bandera tabata pa duna un òrdu. Su siguiente dia Popham a tèst e sistema. Un barku ta zwai bandera pa komuniká ku e otro barku. Por ehèmpel:
Un bandera strepiá kòrá ku blanku por nifiká “Atake!”
Un bandera blou ku un strea por nifiká “Sigui mi.”
El a funshoná. Ora hisa e banderanan aki den diferente kombinashon, e barkunan por komuniká ku otro sin mester grita. Pero Popham no a stòp aki. El a skirbi tambe un buki sekreto den kua numbernan a keda usá komo kódigo pa frasenan importante ku nabegadónan tibetan mester. Por ehèmpel:
Number 2296 = “Tin un flota grandi di enemigu”
Number 2297 = “Tin un flota chikí di enemigu”
E sistema di bandera asertivo aki a hasi posibel pa manda mensahenan masha lihé. Asta meimei di un kampo di bataya.
Pero no ta tur Popham su aventuranan a bai segun planiá. Un historia kurioso a tuma lugá pafó di e haf di Willemstad na e isla di Kòrsou. Popham i su flota britániko a yega pa kapturá e isla for di hulandesnan. E almirante tabata konvensí ku e isla ta bai entregá sin bringa pues el a hisa su banderanan di señal kolorido pa bisa su barkunan: “No tira.”
Number 371 = No
Number 295 = Tira
Pero nèt na e momentu ei, un bala di kañon diripiente a bula sali for di un di su barkunan ku un zonido duru: BUM! E kañon a bula riba e haf i bai dal pega den e iglesia di mas grandi di e isla i keda profundamente pegá den e muraya. E hendenan den Punda a keda di shòk ku bista asombrá riba e bala di kañon ku a keda pegá i tabata saka huma parti paden di e edifisio.
E ofisial di señal a lesa e kódigo robes pasó el a mira solamente number 295 = Tira
Ta parse ku hendenan di Willemstad tabatin nan mes sistema di bandera. Pa manda señal pa someté, nan tabata hisa bandera BLANKU. Kisas ku miedu di kiko lo ta bai pasa despues serka e almirante spontáneo, nan a usa nan banderanan pa manda señal di pas rápidamente.
Si bo bishitá e iglesia den Fòrti (Fortkerk) den Punda awe, ainda bo por mira e bala di kañon ei pegá den e muraya. Esaki a keda manera un rekordatorio riba e viktoria pekuliar di almirante Popham. Maske ku kosnan no a bai eksaktamente manera a plania, Popham nunka tabatin problema ku su aventuranan tabata kue buèltanan inesperá.
Hunga ku Popham su buki di kódigo (code book) aki. El a pone e sifranan di 0 te ku 9 pa manda señal ku dies bandera. E numbernan aki a keda usá den kombinashon. Numbernan di kódigo 1 te ku 25 tabata representá e lèternan di alfabèt (sakando afó J i ku V=20 promé ku U=21). Numbernan mas altu a haña nifikashon.
